Friday, October 24, 2008

Si Chooky

Kung ang isang Anghel ay may (dating) alaga, ako ay meron din. Hindi ito nangangagat, ngunit may kakayahan itong manuka. Kaya hindi ko siya ginagalit, para hindi niya ako tukain! Pasensiya ka na Paperdoll, usapang manok na naman uli tayo. Siguro nga sawang-sawa na kayo sa manok, huwag kayong mag-alala, magpo-post din ako sa susunod ng hindi tungkol sa manok. Sa ngayon, hayaan niyo munang ipakilala ko sa inyo ang aking alaga.

Ang pangalan niya ay Chooky, heto siya noong kapipisa pa lamang niya.








Ngayon, heto na siya. 46 na araw na ang edad niya ngayon.
Huwag kayong matakot, baka isipin niyong katapusan na ng mundo. Ganito kasi ang ating paniniwala, kapag may makitang kakaiba, magugunaw na raw ang mundo. Alam kong Diyos lang ang nakakalam kung kailan, pero siguro hindi pa naman. Kaya si Chooky huwag nating sisihin o katakutan, huwag rin sana ninyong isiping siya ay isang salot sa sanlibutan!

Sa daigdig ng Medisina at Agham, ang kasong ito ay tinatawag na Congenital Anomaly. Anomalya?! Huwag rin sana ninyong isiping si Chooky ang dahilan ng mga anomalya sa ating lipunan. Walang siyang kinalaman, dahil si Chooky ay isa lamang hamak na tandang!

7 comments:

Nanaybelen said...

nakakainggit naman si Chooky may nag-aalaga sa kanya ,kahit may congenital anomaly sya

paperdoll said...

hahaha. . bakit aco? hindi naman aco nagrereklamo na puro tungkol sa manok ang sinusulat mo eh. . napansin co lang. . kaw naman. .

uy! merong kasabihan dun sa mga onse diba? swerte din siguro yang Chooky mo. .

kaw ba naman pag nilechon mo yan mabebenta mo sa 300. . kasi apat ang chicken legs. . at kung may ihawan ka naman. . apat na adidas kagad:D

Lance said...

hala! totoo ba tong nakikita ko? dapat ito ma report sa TV patrol o di kaya sa Balitang K...hehehe

visiting here...

Ishna Probinsyana said...

Nakakatuwa ka naamn. Ang bait mo sa kanya. :)

JoShMaRie said...

mahilig ka pala sa manok. hehehe.

salamat sa pagdaan sa blog ko at
salamat naman at naging ayos pa rin ang kopi breyk mo kahit naluha ka.

actually hindi pa talaga kopibreyk ang permannent title ng blog ko eh. may identity crisi pa. :)

Roland said...

hehe... talagang special mention pa yung post ko about my dating alaga... natakot din ako nung una kong makita chooky... akala ko biktima ng rape. :P

pchi said...

cute ni chooky ha, kahit medyo iba siya sa ibang manok

namimili din ba ang mga manok ng mapapangasawa nila?

may pag-asa ba si chooky na makapangasawa?

uu nga... sa tuwing panhik ko dito, chicken lagi bida...

beef naman, este cow pala