'...standing small' yet Smart

smart- adjective 1 well-kept and neat. 2 astute. 3 witty. 4 fashionable. 5 brisk. 6 causing a stinging pain.

Collins Dictionary & Thesaurus
Essential
2005
c HarperCollins Publishers 2004
www.collins.co.uk

Taos-puso kong ipinaparating ang aking pasasalamat sa lahat ng mga bumubuo ng Pinoy Expats/OFW Blog Awards 2009, lalung-lalo na kay Mr. Thoughtskoto at Tito NJ, at sa Smart Communications sa paghirang ng The Chook-minder's Quill bilang Smart Blog Award. Itong parangal at pagkilalang ipinagkaloob niyo sa akin ay iniaalay ko sa ating Poong Maykapal na siyang naghandog ng aking kakayahan at kaalaman sa pagsusulat.

Sa mga tagasubaybay ng The Chook-minder’s Quill na sa lahat ng panahon ay hindi lamang basta nag-titipa ng kanilang mga puna sa aking pahina, kundi nag-iiwan din ng mga salitang naghahayag ng pagmamalasakit at pakikiisa sa akin; maraming, maraming salamat po... Kayo ay aking itinuturing hindi lamang basta mambabasa ng aking blog, kundi bilang mga kaibigan!

Alam kong ang mga salita ng pasasalamat ay hindi sapat sa lahat ng mag naniwala at bumoto sa The Chook-minder’s Quill para sa PEBA 2009... lalung-lalo na kay Reymos at kay Mightydacz na nagbanggit at nagsali ng aking hamak na blog sa kanilang listahan bilang isa sa kanilang mga paborito, sana’y tanggapin ninyo ang aking simple ngunit mataimtim at matapat na thank you!

Sa aking mga malalapit at tunay na kaibigan, lalung-lalo na sa mga dumalo sa PEBA Event 2009 bilang aking mga kinatawan- na kahit abala ay nag-alay ng panahon para sa akin, maraming salamat sa inyong suporta! Sa loob o sa labas man ng blogosperyo, alam kong palagi kayong nandiyan para sa akin.

Sa aking mga kamag-anak sa Pilipinas at sa ibang panig ng mundo... sa aking mga pinsan at mga kapatid, sa aking mga tiyahin, at higit sa lahat sa aking ina na kahit minsa’y hindi pa nakasilip sa aking blog ngunit walang sawang nagmamahal sa akin nang walang hinihinging kapalit simula noon hanggang ngayon, ang pagkilala at parangal na nito ay tinatanaw kong utang na loob sa inyo.

Sa pagbubukas ng bagong kabanata ng The Chook-minder’s Quill sa taong 2010, ang aking pahina'y patuloy na magsisiwalat ng mga lihim at magbabahagi ng mga kwentong maghahatid ng kakaibang karanasan, kahulugan at (higit sa lahat, kahit na hirap akong gawin..) inspirasyon sa mga tagasubaybay nito.

.